Оиннома Муассисаи давлатии "Маркази Ҷумҳуриявии иммунопрофилактика"

                                     

                                                                                                                                                 Замима ба фармоиши Вазорати

                                                                                                                                                  тандурустӣ ва ҳифзи иҷтимоии

                                                                                                                                                  аҳолии Ҷумҳурии Тоҷикистон

                                                                                                                                           №818 аз « 03 » «____09__» соли 2018                                                          

 

                                                                                              ОИННОМАИ

                                                                                        Муассисаи давлатии

                                                                 «Маркази ҷумҳуриявии иммунопрофилактика»

 

1. МУҚАРРАРОТИ УМУМӢ

1. Муассисаи давлатии «Маркази ҷумҳуриявии иммунопрофилактика» (минбаъд Марказ) бо фармони Вазорати тандурустии Ҷумҳурии Тоҷикистон аз 24 июли соли 1996 таҳти №304 таъсис ёфта, бо қарори Ҳукумати Ҷумҳурии Тоҷикистон аз 3 марти соли 2014 таҳти №148 номи Марказ тағйир ёфта ба Номгӯи муассисаҳо ва ташкилотҳои системаи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон шомил гардидааст.

2. Муассиси Марказ Вазорати тандурустӣ ва ҳифзи иҷтимоии аҳолии Ҷумҳурии Тоҷикистон (минбаъд Муассис) мебошад.

3. Марказ аз лаҳзаи бақайдгирии давлатӣ ташкилшуда ба ҳисоб меравад.

4. Марказ дар фаъолияти худ Конститутсияи Ҷумҳурии Тоҷикистон, Кодекси тандурустии Ҷумҳурии Тоҷикистон, дигар қонунҳои Ҷумҳурии Тоҷикистон, фармонҳои Президента Ҷумҳурии Тоҷикистон, қарорҳои Ҳукумати Ҷумҳурии Тоҷикистон, фармоишҳои Вазорати тандурустй ва ҳифзи иҷтимоии аҳолии Ҷумҳурии Тоҷикистон, дигар санадҳои меъёрии ҳуқуқӣ ва Оинномаи мазкурро ба роҳбарӣ мегирад.

5. Марказ дорои тавозуни мустақил, суратҳисоб дар бонкҳо, мӯҳри мудаввар бо дарҷи Нишони давлатии Ҷумҳурии Тоҷикистон ва номи расмии худ, варақаҳои унвонӣ ва дигар реквизитҳо мебошад.

6. Номи расмии Марказ:

  • бо забони давлатӣ: Муассисаи давлатии «Маркази ҷумҳуриявии иммунопрофилактика»;
  • бо забони русй: Государственное учреждение «Республиканский центр иммунопрфилактики»;
  • номи ихтисоршудаи Марказ бо забони давлатӣ: МД МҶИ;
  • номи ихтисоршудаи Марказ бо забони русй: ГУ РЦИП.

7. Суроғаи ҳуқуқии Марказ: Ҷумҳурии Тоҷикистон, шаҳри Душанбе, кӯчаи Шероз-8

2. ВАЗЪИ ҲУҚУҚИИ МАРКАЗ

8. Марказ шахси ҳуқуқии мустақил буда, шакли ташкиливу ҳукуқии он бо моддаи 132 Кодекси гражданин Ҷумҳурии Тоҷикистон муайян карда шудааст.

9. Мувофиқи Оинномаи мазкур Марказ ҳуқуқ дорад, ки ба фаъолияти даромаднок машғул шавад. Даромади аз чунин фаъолият ба дастомада, инчунин амволи аз чунин даромадҳо харидашуда ба ихтиёри Марказ мегузаранд.

10. Марказ ҳуқуқ дорад қарзҳои бонкиро истифода барад, иштирокчии муносибатҳои гражданй бошад, аз ҷумла дар мурофиаи судй ба сифати даъвогар ва ҷавобгар баромад намояд.

11. Марказ дорои дигар намуд ҳуқуқҳо мебошад, ки бо қонунгузории амалкунанда барои чунин муассисаҳо муқаррар шудаанд.

12. Марказ аз рӯи ӯҳдадориҳояш бо маблағи пулие, ки дар тавозуни мустақили худ дорад, ҷавобгар мебошад. Муассис аз рӯи ӯҳдадории Марказ, ба истиснои мавридҳои пешбининамудаи қонунгузории амалкунандаи Ҷумҳурии Тоҷикистон, масъулият надорад.

13. Иҷрои стандартҳо, муқаррарот, санадҳои меъёрие, ки Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар соҳаи тандурустй бо тартиби муқарраргардида таҳия ва тасдиқ намудаасг, барои Марказ ҳатмӣ мебошад.

3. МАҚСАД ВА ВАЗИФАҲОИ МАРКАЗ

14. Марказ ягона сармуассисаи ҷумҳуриявии Вазорати тандурустй ва ҳифзи иҷтимоии аҳолии Ҷумҳурии Тоҷикистон мебошад, ки сиёсати соҳаи иммунопрофилактикаро дар ҷумҳурӣ таъмин намуда, барои коркард ва татбиқи барномаҳои соҳаи иммунопрофилактика ва пешниҳод намудани ёрии машваратӣ, ташкилию дастурӣ оид ба масъалаҳои иммунопрофилактика ба кормандони муассисаҳои тиббии бо иммунизатсия алоқамандбуда вобаста карда шудааст.

15. Сохтор ва самти фаъолияти Марказро Муассис дар асоси эҳтиёҷоти аҳолй ба иммунизатсиякунӣ, муқаррар менамояд.

16. Муҳимтарин вазифаҳои Марказ иборат аст аз:

  • ташкил ва гузарондани чорабиниҳои асосии иммунопрофилактика вобаста ба саломатии кӯдакон ва калонсолон ба воситаи ҳуҷраҳои иммунизатсиякунии марказҳои саломатии шаҳрӣ, ноҳиявӣ, деҳотй, бунгоҳҳои саломатӣ, мактабҳои таҳсилоти ҳамагонӣ, муассисаҳои тиббӣ, мактабҳои олӣ ва миёнаи махсус. Дар таваллудхонахо гузаронидани иммунизатсияи навзодон бар зидди бемориҳои фалаҷ, гепатити «В», ва сил;
  • баҳисобгирии пурраи кӯдакон ва калонсолон бо мақсади муайян намудани гурӯҳҳои ба иммунизатсия фарогирифташаванда;
  • тартиб до дани нақшаи иммунизатсиякунӣ мувофиқи Тақвими миллии иммунизатсия бо назардошти нишондодҳои зидди иммунизатсия;
  • тартиб додани талабот ба ҳамаи намудҳои ваксинаҳо;
  • баҳисобгирии микдори кӯдакони бо иммунизатсия фарогирифташуда ва тайёр намудани ҳуҷҷатҳои ҳисоботӣ;
  • назорати эпидемиологӣ ва бақайдгирии ҳолатҳои ногувори баъди иммунизатсия бавуқӯъомада;
  • муайян намудани далелнокии омилҳои зидди иммунизатсия, баҳисобгирӣ ва таҳлили нишондодҳои зидди иммунизатсия;
  • таъмини баланди сатҳи фарогирии кӯдакон дар соли аввали ҳаёт, иммунизатсияи такрорӣ, мувофиқи Тақвими миллии иммунизатсия, таҳлили ҳармоҳаи ҳолати иммунизатсиякунии гурӯҳҳои мақсаднок;
  • таҳияи тавсияҳо оид ба истифодаи натиҷаҳои тадқиқотҳо ва бо тартиби муқаррар намудаи Муассис дар амал ҷорӣ намудани натиҷаҳои мазкур;
  • омӯхтан ва ҷамъбаст кардани комёбиҳои илми ҷаҳонӣ дар соҳаи марбут ба фаъолияти Марказ ва мусоидат барои истифодаи онҳо;
  • тайёр кардани кадрҳои ботаҷрибаи дорой дараҷаи баланди тахассусй барои Ҷумҳурии Тоҷикистон ва давлатҳои хориҷӣ оид ба иммунопрофилактика;
  • омухтан ва муайян намудани эхтиёҷоти тандурустӣ ба табибони соҳаи иммунопрофилактика ва ваксинаторон дар муассисаҳои тиббӣ;
  • таҳияи нақшаи бозомузӣ ва тайёр намудани табибон ва кормандони миёнаи тибби соҳаи иммунопрофилактика;
  • иштирок дар коркарди санадҳои меъёрии зарурй оид ба иммунопрофилактика;
  • расондани кӯмаки машваратӣ, ташкилию дастурй ба муассисаҳои тиббию профилактикии ҷумҳурӣ оид ба масълаҳои иммунопрофилактика;
  • тибқи тартиби муқарраргардида гузаронидани конференсияҳо, анҷуманҳо, омӯзишҳо, семинарҳо, тадқиқотҳо, арзёбй ва баҳодиҳӣ аз рӯи масъалаҳои ҳалталаби соҳаи иммунопрофилактика;
  • сафарбаркунии иҷтимой оид ба масъалаҳои иммунопрофилактика дар байни аҳолӣ;
  • гузаронидани назорати эпидемиологӣ аз рӯи бемориҳои ба воситаи иммунизатсия идорашаванда (бемориҳои фалаҷ, сурхча, гулафшон, кузоз, гулӯзиндонак ва дигар бемориҳои бо ваксина идорашаванда) ва гузарондани чорабиниҳои зиддиэпидемикӣ дар манбаъҳои бемориҳои сироятй;
  • тибқи талабот дар     асоси         фармоиши Муассис гузаронидани  иммунизатсияи аҳолии калонсоли кишварро     мувофиқи нишондодҳои эпидемикӣ таъмин намояд;
  • тибқи талабот дар асоси фармоиши Муассис гузаронидани иммунизатсияи ҳаҷравандагон (сайёҳон) - ро таъмин намояд.

4. ФАЪОЛИЯТИ МАРКАЗ

17. Марказ барои   иҷро кардани вазифаҳои   дар наздаш гузошташуда, фаъолияти зеринро ба анҷом мерасонад:

  • омӯзиш ва гузаронидани таҳлили мунтазами бемориҳои ба воситаи иммунизатсия идорашаванда, муайян намудани вазъи эпидемиолога нисбати ин бемориҳо ва пешгӯии эҳтимолии бемориҳои ба воситаи иммунизатсия идорашаванда дар ҷумҳурӣ ва минтақаҳои алоҳида;
  • дар асоси натиҷаҳои бадастомада банақшагирии чорабиниҳо, ҳамоҳангсозӣ, расонидани ёрии машваратй, ташкилию дастурй ба муассисаҳои тандурустӣ ва ҳифзи иҷтимоии ахолй оид ба ташкили чорабиниҳои пешгирй ва зидди эпидемиолога;
  • роҳбарии коргузорй дар соҳаи иммунопрофилактика оид ба кабул намудан, нигоҳ доштан, мувофиқи талабот тақсим намудан ва таъмини доимии ваксина ва дигар маводҳои иммунизатсионй, риоя намудани занҷири хунукитаъминкунанда, назорати интихобй дойр ба тарзи истифодабарй, нигоҳдорй ва риояи реҷаи ҳарорат дар ҳамаи зинаҳои истифодашаванда;
  • ташкили омӯзиш ва ташхиси ҳолатҳои ногувори баъди иммунизатсия бавуқӯъомада, коркард ва амалй гардондани дастурамалҳо оид ба пешгирии онҳо мувофиқи қоидаҳои амалкунанда;
  • роҳбарии такмили сохтори иттилоотй, ки Барномаи миллии иммунопрофилактикаро бо маълумотҳои зарурй оид ба идоракунй, гузаронидани санҷиш (мониторинг) ва баҳодиҳии иҷроиши барномаро дар тамоми сатҳҳои ҷумҳурй таъмин менамояд;
  • ташкил намудани омӯзиш (мониторинг), санҷишу баҳодиҳии самарабахши татбиқи самтҳои асосии барномаҳои қабулшуда оид ба иммунопрофилактика;
  • таҳияи дастурамалҳои методй оид ба амалй гардонидани Барномаи миллии иммунопрофилактика ва барномаҳои қабулшуда дар хусуси паст ва дар оянда маҳв намудани бемориҳои сироятшаванда (гулӯзиндонак, кабудсулфа, кузоз, фалаҷ, гулафшон, сурхча, сил, гепатити «В»), ки ба воситаи иммунизатсия идора мешаванд;
  • дар ҳамкорй бо раёсатҳои тандурустй ва Хадамоти назорати давлатии тандурустӣ ва ҳифзи иҷтимоии аҳолии Вазорати тандурустй ва ҳифзи иҷтимоии аҳолӣ, фаъолият менамояд;
  • ҳамкории зич, ҳамоҳангсозии фаъолият дар ҳамаи самтҳои иммунопрофилактика бо Ташкилоти умумичаҳонии тандурустй, Хазинаи кӯдакони Созмони Милали Муттаҳид, Алянси глобалии ваксинаҳо ва иммунизатсия ва дигар ташкилотҳои донорй;
  • тартиб додани нақшаи иммунизатсия, мувофиқи Тақвими миллии иммунизатсия бо назардошти нишондодхои зидди иммунизатсия;
  • риояи қатъии занҷири хунукитаъминкунанда ва таъмини талаботи нигоҳдорй ва сифатнокии ваксинаҳо;
  • ташкил намудани назорати эпидемиолога аз рӯи бемориҳои ба воситаи иммунизатсия идорашавандава гузарондани чорабиниҳои зидди эпидемикй дар манбаъҳои бемориҳои сироятй;
  • ҳисоботҳоро оид ба бемориҳои сироятии ба воситаи ваксина идорашаванда ва рафти иҷроиши иммунизатсияро дар мӯҳлатҳои муайяншуда аз тамоми муассисаҳои тиббие, ки бо хизматрасонии иммунизатсия машгуланд, ба таври мукаммал, талаб намояд;
  •  мутобиқи Кодекси тандурустии Ҷумҳурии Тоҷикистон бе мамоният аз муассисаҳои дар таҳти назоратбуда, дар ҳама вақт талаби иҷроиши санадҳои меъёрии ҳуқуқии амалкунандаро дорад;
  • дар асоси шартнома ташкил намудани баззаи клиникии кафедраҳои эпидемиологияи муассисаҳои давлатии таълимии «Донишгоҳи давлатии тибии Тоҷикистон ба номи Абӯалй ибни Сино», «Донишкадаи баъдидипломии кормандони соҳаи тандурустии Ҷумҳурии Тоҷикистон» бо диққати махсус ба иммунопрофилактика;
  • тайёр кардани мутахассисони соҳаи иммунопрофилактика;
  • таъмин намудани истифодаи самараноки захираҳои меҳнатӣ, молиявй ва моддй;
  • Нақшаҳои кории Муассисаи давлатии «Маркази ҷумҳуриявии иммунопрофилактика» аз тарафи муовини вазири тандурустй ва ҳифзи иҷтимоии аҳоли, сардухтури давлатии санитарии Ҷумҳурии Тоҷикистон тасдиқ карда мешаванд.

5. МАҚОМОТИ ИДОРАКУНИИ МАРКАЗ

18. Мақоми олии идоракунии Марказ Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мебошад.

19. Марказ фаъолияти худро бо Муассис - Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар асоси созишномаи дутарафа амалӣ менамояд. Шартҳои созишномаи дутарафаро Вазорати тандурустӣ ва ҳифзи иҷтимоии аҳолии Ҷумҳурии Тоҷикистон муайян менамояд.

20. Муассис ҳуқуқ дорад:

  • Оинномаи Марказро тасдиқ намояд ва ба он тағйироту иловаҳо ворид намояд;
  • бо тартиби муқаррарнамудаи қонунгузории Ҷумҳурии Тоҷикистон директори генералии Марказро ба вазифа таъин ва аз вазифа озод намояд;
  • бо пешниҳоди директори генералии Марказ, муовинони директори генералй, сармуҳосиби Марказро ба вазифа таъин ва аз вазифа озод намояд;
  • самтҳои асосии фаъолияти Марказро муайян намояд;
  • дар идоракунии корҳои Марказ иштирок намояд;
  • тавозуни Марказро тасдиқ намуда, ҳисоботи онро кабул намояд;
  • комиссияи тафтишотй (аудит) - ро таъин намояд;
  • фаъолияти Марказро назорат намояд;
  • фаъолияти Марказро тафтиш ва баррасй намояд;
  • маълумотҳои зарурӣ ва ҳисоботро оиди фаъолияти Марказ талаб намояд;
  • ҷиҳати аз нав ташкилдиҳй ва барҳам додани Марказ бо тартиби муқаррарнамудаи қонунгузории Ҷумҳурии Тоҷикистон ба Ҳукумати Ҷумҳурии Тоҷикистон пешниҳод манзур намояд;
  • дар ҳолати барҳам дода шудани Марказ, баъди ҳисобӣ намудан бо қарзхоҳон, амволи ба вай тааллукдошта ё қиммати онро бигирад;

21. Идоракунии Марказ аз тарафи маъмурият амалй мегардад, ки ба он Директори генералй роҳбарй менамояд, ва мақоми иҷрокунанда дорад.

22. Ба вазифаи Директори генералии Марказ шахси дорой маълумоти олии тиббй таъин карда мешавад.

23. Директори генералй шахсан барои фаъолияти Марказ ҷавобгар буда, дар назди Муассис ҳисобот медиҳад.

24. Директори генералй ба кори таҳияи лоиҳаҳои нақшавии (ҷорӣ ва дурнамо) корҳои илмй-тадқиқотӣ, нақшавии тайёр кардани кадрҳои илмӣ, маблағ таъминкунй, таъминоти моддӣ-техникӣ, нашри асарҳо ва маводи маҷлисҳои машваратӣ ва конференсияҳо роҳбарӣ мекунад ва онҳоро барои бо тартиби муқарраршуда барои тасдиқ кардан пешниҳод менамояд.

25. Директори генералй барои пурраву беосеб будани молу мулки Марказ, барои риоя кардани интизоми меҳнатӣ, молиявй , шартномавй, ва масрафи маблағҳо мувофиқи таъиноташон ҷавобгар мебошад.

26. Директори генералй мувофиқи зарурати истеҳсолӣ мутахассисони баландихтисосро бо пардохти музди меҳнат дар асоси қарордод ба кор ҷалб менамояд.

27. Директори генералй барои баланд бардоштани дараҷаи ихтисоси кормандони Марказ роҳбарӣ менамояд.

28. Директори генералй фаъолияти воҳидҳои сохтории ба ӯ тобеъро ҳамоҳанг месозад, дар фаъолияти онҳо истифода шудани комёбиҳои илму техникаи ватанй ва хориҷй, маводи патент ва илмию иттилоотй, техникаи ҳисоббарорй ва ташкилотй, тарзу усулҳои пешқадам иҷрои корҳоро таъмин мекунад.

29. Директори генералй ҳуқук дорад масъалаҳои зеринро мустақилона ҳал намояд:

  • аз номи Марказ бе ваколатнома амал намояд, дар муносибат бо дигар ташкилотҳо Марказро намояндагй кунад;
  • бо шахсони воқеӣ ва ҳуқуқй, сарфи назар аз шакли моликияташон, созишномаҳо бандад;
  • кормандони Марказро, ба истиснои муовинони Директори генералй ва сармуҳосиби Марказ, ба кор кабул ва аз кор озод намояд ва мувофиқи қонунгузории амалкунандаи меҳнат муҷозоти интизомй таъин намояд;
  • дар рӯзҳои ҷашну маросимҳо барои ҳавасманд гардонидан ба кормандони Марказ мукофотпулй диҳад.
  • директор, муовини директор ва сармуҳосибҳои филиалҳои Марказро тибқи тартиби муқарраргардида ба вазифа таъин ва аз кор озод намояд;
  • ба шахсони масъули Марказ барои ба ҷо овардани амалиётҳои молиявию хоҷагӣ, ӯҳдадориҳои шартномавии Марказ ваколатномаҳо диҳад;
  • бо тартиби муқаррар гардида самарабахшии тарзу усулҳои нав дар соҳаи иммунопрофилактика, таъмини маводҳои имунизатсиониро дида баромада, тасдиқ ва арзёбй менамояд, онҳоро тайёр карда, дар амалияи тандурустй ҷорӣ мекунад, ба кори Марказ ва филиалҳо баҳо медиҳад, конфронсҳои илмй-амалӣ мегузаронад, ёрии машваратй мерасонад;
  • дар доираи салоҳияти худ санадҳои меъёрии ҳуқуқиро дар намуди фармоиш содир менамояд.

30. Директори генералй ду муовин дорад, ки онҳо дар асоси пешниҳоди Директори генералй бо фармоиши Вазорати тандурустй ва ҳифзи иҷтимоии аҳолии Ҷумҳурии Тоҷикистон ба вазифа таъин ва аз вазифа озод карда мешаванд.

31. Фаъолияти муовинони директори генералй, директорони филиалҳои Марказ, тартиби ба вазифа таъин ва аз вазифа озод шудан ва фаъолияти роҳбарони воҳидҳои сохтории Марказ ва дигар кормандони Марказ дар асоси Низомномаи воҳидҳои сохтории Марказ ва Дастурамали ӯхдадориҳои вазифавй, ки аз тарафи Директори генералии Марказ тасдиқ мегарданд, ба роҳ монда мешаванд.

32. Директорони марказҳои иммунопрофилактикаи шаҳру ноҳияҳо аз ҷониби раисони шаҳру ноҳияҳо дар мувофиқа бо директори генералй (ба таври хатми) ба вазифа таъин ва аз вазифа озод карда мешаванд.

6. СОХТОРИ МАРКАЗ

33. Сохтори Марказ иборат аст аз:

а) Маъмурият;

б) Шӯъбаи кадрҳо;

в) Шӯъбаи эпидемиологи;

г) Шӯъбаи ташкилию оморй;

ғ) Шӯъбаи идоракунии ваксинаҳо ва сузандоруҳо;

д) Шӯъбаи баҳисобгирии муҳосибавӣ;

е) Шӯъбаи хоҷагидорӣ.

34. Филиалҳо:

а) Филиали   Муассисаи давлатии  "Маркази ҷумҳуриявии иммунопрофилактика" дар шаҳри Душанбе;

б) Филиали   Муассисаи давлатии  "Маркази ҷумҳуриявии иммунопрофилактика" дар минтақаи Бохтари вилояти Хатлон;

в) Филиали  Муассисаи давлатии  "Маркази ҷумҳуриявии иммунопрофилактика" дар минтақаи Кӯлоби вилояти Хатлон;

г) Филиали  Муассисаи давлатии  "Маркази ҷумҳуриявии иммунопрофилактика" дар вилояти Суғд;

д) Филиали Муассисаи давлатии  "Маркази ҷумҳуриявии иммунопрофилактика" дар ВМКБ;

е) Филиали Муассисаи давлатии  "Маркази ҷумҳуриявии иммунопрофилактика" дар минтақаи Рашт.

35. Марказ метавонад дар ҳудуди Ҷумҳурии Тоҷикистон филиал ва намояндагиҳои худро дошта бошад.

36. Марказ метавонад дар шаҳру ноҳияҳои ҷумҳури марказҳои иммунопрофилактика, ки аз ҳисоби буҷети маҳалӣ маблағгузори карда мешаванд, дошта бошад.

7. АМВОЛ ВАСАРЧАШМАҲОИ МАБЛАҒГУЗОРИИ МАРКАЗ

37. Амволи Марказро маблағҳои асосие, ки аз тарафи Муассис барои идоракунии фаврй бо тартиби муқаррар намудаи қонунгузории Ҷумҳурии Тоҷикистон дода шудаанд, инчунин дигар маблагҳое, ки аз ҳисоби шахсони хуқуқӣ ва воқеӣ ворид шудаанд, ташкил медиҳад.

38. Сарчашмаҳои маблағгузории Марказ инҳо мебошанд:

  • маблагҳои пулй ва амволии Муассис дар шакли маблағгузории бучетй;
  • маблагҳое, ки аз ҳисоби хизматрасониҳои музднок ба даст омадаанд;
  • бурсияҳои ташкилотҳои байналхалқӣ, аз ҷумла барои амалй намудани муқаррароти фаъолияти оинномавӣ;
  • маблаггузориҳои инфиродии эҳсонкорӣ.

39. Даромадҳое, ки дар натиҷаи ташкил ва анҷом додани хизматрасонии музднок ба аҳолӣ ба даст оварда мешаванд, ба суратҳисоби махсуси Марказ ворид карда шуда, бо харҷномаи алоҳида ҳисобу китоб карда мешаванд ва аз тарафи Марказ барои рушди иқтидори Марказ ва филиалҳои он истифода бурда мешаванд.

40. Марказ мустақилона ба мақомоти давлатӣ, андоз ва молиявӣ ҳисобот медиҳад.

39. Марказ ҳамаи амалиётҳои хазинавиро мувофиқи қоидаҳои муқарраргардида анҷом медиҳад.

8. БАҲИСОБГИРӢ ВА НАЗОРАТ

41. Марказ дар назди Муассис ҳисобот медиҳад.

42. Марказ баҳисобгирии фаврӣ ва муҳосибавии фаъолияти худро амалӣ месозад, ҳибоботи оморӣ ва муҳосибавиро дар асоси қонунгузории амалкунандаи Ҷумҳурии Тоҷикистон ба роҳ мемонад.

43. Ҷамъбасти фаъолияти хоҷагидории Марказ дар ҳисоботи солона ва мувозина, ки аз ҷониби Муассис тасдиқ карда мешавад, инъикос меёбад.

44. Назорат аз болои фаъолияти молиявӣ-хоҷагидории Марказ аз ҷониби комиссияи тафтишотй ё аудит, ки аз тарафи Муассис таъин карда мешаванд, ба роҳ монда мешавад.

45. Аъзоёни комиссияи тафтишотй (аудитор) хукук доранд аз шахсони вазифадор ва ҳайати кормандони Марказ пешниҳоди тамоми ҳуҷҷатҳои зарурй ва баёнотҳои шахсиро талаб намоянд.

46. Комиссияи тафтишотй (аудитор) натиҷаҳои санҷишро ба Муассис манзур менамояд.

47. Комиссияи тафтишотй (аудитор) аз рӯи ҳисобот ва мувозинаи солона хулоса тартиб медиҳад, ки дар асоси он Муассис ҳисоботи молиявии солонаи Марказро тасдиқ мекунад.

48. Марказ бо мақсади таъмини пурраи нигоҳдорӣ, ҳамасола барӯйхатгирии (инвентаризатсияи) амволи арзишнок ва воситаҳои асосиро мегузаронад.

9. ҚАБУЛ НАМУДАН ВА ТАСДИҚ КАРДАНИ ОИННОМАИ МАРКАЗ

49. Оинномаи Марказ ва тағйироту иловаҳои ба он воридшуда аз тарафи Муассис тасдиқ карда мешавад

11. ҚАТЪ НАМУДАНИ ФАЪОЛИЯТИ МАРКАЗ

50. Қатъ гардидани фаъолияти Марказ дар натиҷаи аз нав ташкилдиҳӣ ё барҳамдиҳии он сурат мегирад.

51. Аз нав ташкилдиҳии Марказ тибқи муқаррароти Кодекси гражданин Ҷумҳурии Тоҷикистон бо қарори Ҳукумати Ҷумҳурии Тоҷикистон ба амал бароварда мешавад. Ҳангоми аз нав ташкилдиҳии Марказ ҳамаи ҳуқуқу ӯҳдадориҳои он ба вориси ҳуқуқиаш мегузарад.

52. Барҳамдиҳии Марказ дар ҳолатҳо ва тартибе, ки Кодекси гражданин Ҷумҳурии Тоҷикистон муқаррар кардааст, ба амал бароварда мешавад.

53. Амволе, ки баъд аз қонеъ гардонидани талаботи қарздиҳандагон боқӣ мемонад ба Муассис мегузарад.